Jowai: Ka Jaiñtia Coal Miners and Dealers Association (JCMDA) deilang wa ka Synjuk Ki Ryngbah Shnong ka East Jaintia Hills daw pynman ki ya ka Public Meeting Cum Rally haka 09-01-19 ha Madan Football u Teilang Phawa ha i por 11:00 waje i step.
Ha kani ka Public Meeting da kyrpaad ya waroh, nadooh kiwa khayi, kiwa dai wa kiwa thap mooyong hadooh kiwa dai dukan wow wan ki cha kani ka yalang paidbah wei wow khang lut ya waroh i dai mooyong wa i dai dukan hadooh wa kut ka yalang.
Neiliang u President ka Jaintia Coal Miners and Dealers Association (JCMDA) u Balios Swer da ong u wa i chah khang wow khih mooyong nadooh ka 17-04-14 da ktah joor bha ko ya ka jylla
Kattu la 4 snem da pteiñ i khang yei khih mooyong heiwa ka sorkar leh da pdiang ko ya ini i khang ka NGT wow tih mooyong wei ym em lai mih ko cha ka Supreme Court yow yaleh pyrchah ya i chah khang.
Da ong u leh ka sorkar ym em leh ko iyi iyi leh wow yarap ya kiwa chah ktah yow ye ki u pynbiang yeiwa emkaam ki hei im yong ki wei ym em pyrkhat leh ya ka mynried ka man kawi ki khynnah.
Ym toh i bakla kiwa khih mooyong lada pteiñ ki u khih yow im ja kpoh i bakla toh ka sorkar kawa ym ye u yarap ya kiwa jooh man kam kiwa pynim ya ka jylla nachwa.
Da pynrem u leh ya iwa jia ha Ksan wa ha Jaliyah deiwa beiñ ya ki tre paar mooyong kiwa phah kreh bait hanlada da khang wow tih mooyong iwa da booh hei ma ya kiwa kreh yong ki.
Discussion about this post