Jowai: I yaleh wow sai ya ki 15 ngut kiwa chah kset wa em hapoh ka krem mooyong ha Ksan, EJH da pteiñ hi wei ynnin ka 9 tarik ki chiphai ka Indian Navy da pynhiar ki ya ka kor Remotely Operated Vehicle (ROV) ha ka krem wa em kiwa chah kset tangwa da sah kut ko wei da haap sai noh ya ka.
Ki chipai ka Indian Navy dang pteiñ hi ki wow sylli ya ki krem mooyong wa rim wa em ha jan katwa ka Company Kirloskar Brother Limited dang kreh ko wow chna ya ki Pump yong ka yow ye u taan biang ya ka um.
Ka Coal India Ltd dang pteiñ hi ko wow taan um na ki krem mooyong wa em hajan kamjooh ka Fire Service Odhisa kiwa da sdang nadooh 9:30 i step.
Ynne ka 10 tarik won, ki Pump ka Kirloskar da sdang krehkaam biang ki wei da taan um ki na ka krem mooyong wa em kiwa chah kset wei da pynkrehkaam ya ki 16 kynta nadooh ynnin i miet wei da sai 2880000 Litre ka um wei da pynsangeh ya ki yow thap phniang biang.
Ka Coal India Limited da taan um ko na ka krem mooyong warim wa em hajan nadooh 6 waje i miet ynnin hadooh 6 waje i step ynne wei da sai 2075220 Liter ka um.
I kreh dang pteiñ i hadooh wa pynmih ya ka khubor.
Discussion about this post