Jowai: I yaleh wow sai ya ki 15 ngut kiwa chah kset hapoh ka krem mooyong ha Ksan da pteiñ biang ynne ka sngi heiwa ka Coal India Limited (CIL) da sai um ko na ka krem mooyong warim nadooh 8:30 ynnin i miet hadooh 6:30 i step ynne ka sngi iwa man 11 kynta i taan um wei da pteiñ biang nadooh 7:30 i step hadooh 12:30 pyrdi sngi heiwa da sai um 680400 liter. Da pynkhreh leh yow thap sa ka Pump wa khlanbor 120HP sa ha kawi ka krem mooyong warim wa em hajan.
Ki Kirloskar Brothers Limited won da sai um ki na ka krem mooyong wa em kiwa chah kset iwa da leh ko nadooh ynnin ka miet heipor 6 waje i miet hadooh 6 waje i step ynne ka sngi wei da pteiñ biang nadooh 6:30 i step hadooh 12 waje pyrdi sngi wei da sai 1575000 liter ka um.
Neiliang ki chipai ka Indian Navy kiwa ngam um (Divers) dang pynemkaam ki ya ka sor ROV wei dang pynkhooid ki sa ya kiwi ki krem mooyong warim wa em hajan yow ye u psiah chapoh yong ki.
Ka CIL da sdang biang ko ya ki Pump yong ka nadooh 1:00 waje i sngi hadooh 5:00 waje i janmiet wei da sai 453600 liter ka um.
Ka Kirloskar da sangeh ko ya ki Pump yong ka heipor 12:00 waje pyrdi sngi neidaw wa dang pyndait Pipe wow pynlai ya ka um.
Neiliang ka Odhisa Fire Service da sdang ki wow taan um nadooh 1:00 waje i sngi hadooh 4:30 i janmiet wei da sai ki 315000 liter deiwa pynemkaam 6 tylli ki Pump.
Discussion about this post