Jowai: Heiyatoh waka PIL wa da yaleh ha ka Supreme Court ka ri hajrong i chah kset ki 15 ngut ha ka krem mooyong wa em ha Ksan, EJH, da chong bichaar biang ya ka ynne ka sngi.
Ynne ka sngi da em u muktiar ka sorkar India u Tushar Mehta wa u muktiar ka sorkar jylla Meghalaya u Amit Kumar wei neiliang u muktiar kiwa yaleh mukotduma u Anand Grover da ong u wa chitom kiwa yaleh wow sai ya kiwa chah kset neidaw waka thaw em ko ha ki bynta wym biang ka luti syngkieñ wa chitom u poi thaw, ym em leh ka Mining Plan (Blue Print), ym tip neiwon liat ka um wei hadooh katwon kawi ka paar mooyong yabi ko wa kiwi.
Kamtæ emkaam wow paan yarap naka National Geophysical Institute (NGRI), Hyderabad, ka National Institute of Hydrology (NIH), Roorkee wa kiwi ki thaw puræ ki bru samen kam ka Planys Technology, Chennai.
U Tushar Mehta da ong u leh wa ka sorkar dadep yaklam ko wa ka NGRI wa ka NIH kiwa da ong wa smat ki u yarap hajrong ini.
Daw chong bichaar biang ya kani ka PIL ha ka 18-01-19.
Discussion about this post