• About Us
  • Contact Us
  • Privacy Policy
  • Advertise With Us
  • Terms & Conditions
Saturday, May 10, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Uncategorized

Lehkmen ka KSU yei dap 40 snem deiwa beiñ ya ka sorkar BJP wa ka CAB

Wyrta Staff by Wyrta Staff
January 12, 2019
Reading Time: 4 mins read
A A
0
Share on FacebookShare on Twitter

Shillong: Ka seiñ Khasi Students Union (KSU) ynne ka sngi da lehkmen ko yei dap 40 snem ka seiñ ha Khasi National Dorbar Hall, Mawkhar.

Ha kani ka sngi ka seiñ da khut ko ya kiwa yahkhmat warim ka seiñ kiwa nadooh u 1978 hadoh kini ki snem. Chwa wow sdang ka yalang, ki dkhot ka seiñ da pynman ki yei lai kjat nadooh na yung krehkaam ka seiñ iwa em ha Jaiaw hadooh wa poi ha Mawkhar ryngkat i kbai wa i ood ki bom. 

Ha kani ka yalang, da yoh yei klam na kiwa yahkhmat warim ka seiñ kam u Michael N Syiem, u Sounder S Cajee, Pastor Kyrsoibor Pyrtuh, Wallambok Syiemiong, wa u Samuel B Jyrwa, kiwa da pynsñiaw wa i mynsien KSU ympu dooh i hanlada ym man de ki dkhot yong ka seiñ.

U Chairman ka North East Students Organisation (NESO), u Samuel B Jyrwa da beiñ joor u yei leh embor ka sorkar Tripura wow siat pynmynsoo ya ki dkhot ka seiñ ki khynnah puræ kiwa yakhih pyrchah ya ka Citizenship Amendment Bill 2016.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u wa kani ka aiñ Citizenship Amendment Bill 2016 toh i thombor ka sorkar India ya ki tre ri ka thaaiñ mihsngi ka India.

Neiliang u Samuel da ong u wa kani ka aiñ wa wanrah da ka sorkar India thmu ko wow pynwiar ya ki jaitbru kani ka thaaiñ deiwa elaad ya ki Hindu na Bangladesh wow man tre ri ki.

Tangwa da ong u wa ka NESO ym chong-ngiah ko wei u yakhun ko wow pyntikna wa kani ka Bill ym man aiñ ko wei daw pait ko ya ka dorbar Parliament ka wow sdang ha ka 31 tarik uni u bnai hajrong kani ka bill.

U President ka KSU u Lambokstarwell Marngar da beiñ u ya ka Citizenship Amendment Bill 2016 kawa da wanrah da ka sorkar BJP. Da ong u wa heipor wa u Narendra Modi wan u heibor ha u snem 2014, da kular u wow beh lut ya kiwa na Bangladesh tangwa katni won da khut pathan u ki.  

U Lambok da ong u wa i lehkmen dap 40 snem ka seiñ toh wow pteiñ i chakri ya ki paidbah wei daw pynlait leh ya ka Documentary Film yong ka.

Heijooh i por da ong u wa i pyrtuid KSU ym chong-ngiah i wei wow yakhun bait neibynta ka jaitbru neibhah katwa dang em ka jaitbru ka KSU leh ym wiar ko.

ShareTweetSendShare
Previous Post

Yeiñ pyrchah ka PDF wa ki paidbah ka Mylliem Constituency ya ka CAB: Hamlet

Next Post

Baam lut i diñ ya ki soo tylli ki yung ha Malki

Next Post

Baam lut i diñ ya ki soo tylli ki yung ha Malki

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar