Jowai: Ka Jaiñtia Students’ Union (JSU) wa ka Society For Environmental Protection and Sustainable Development (SEPSD) lyngba ka khubor wa da phah da ki President ki ar seiñ u Lawyerson War wa u Wanbun Dkhar da pynsñaw ki yei pyrchah joor hajrong i elaad ki bor sorkar wow lai ki kari kit moo kiwa lai lyngba ka yingkieñ Dawki kiwa kit palat 9 tone iwa man pyrchah ya ki kyndon wa da booh da ka chnat PWD.
Heipor wa lai pait kini ki ar seiñ ya kani ka yingkieñ da chem wa ki kari wa wan na ki thaaiñ Pynursla wow chalan moo cha ri Bangladesh kit ki ym duna ya ka 15 ton iwa booh hei maa ya kani ka yingkieñ neibhah wa man ko kawa da rim wei ym em u chna pynmiat ya ka wei lada ki pulit næ kiwa pynlai ya ka weightbridge ha Pynursla elaad ki ya ki truck wow kit palat pood wow lai lyngba kani ka yingkieñ booh ko hei maa wa khroo neibhah wa ye ko u tkut wei haap ko chapoh.
Chooh chooh neiliang kini kiwa kitkaam wa daw thoh ki cha ka chnat PWD wow pynchitom ya kiwa leh pyrchah ya ka aiñ kiwa chim kabu khnang wow lait ko u ktah yei lai i wan ki paidbah khamtam kkwa uiñke suwari.
Discussion about this post