Shillong: Ka dhab yalehke Cricket kynthai ka jylla Meghalaya ynne ka sngi da rem ki ha ka BCCI U-23 T20 League pyrchah ya ka Kerala da 136 Runs wa pynman ha Kochi.
Ha kani ka Tournament rap pher ko na kiwi, heiwa ki jylla ka thaaiñ mihsngi ym em yachem chwa ki para ki chwa wow yachem ki wa ki liang wa da heh wa da slem ka yalehke kamwa yachem ka Meghalaya waka Kerela ynne ka sngi.
Ka Kerala da jop ko ya ka kylla khlem wei da jied ko wow Bat nyngkong wei da kamai ko 158/3 na ki 20 tylli ki Over.
Neiliang kiwa kawang bol ka Meghalaya ka Deiphibapynshngain L Mawnai da yoh ko 2/42, wei kiwi kiwa yoh u pynhaap Wicket toh ka S Jaba (1/24). Neiliang ka Kerela won ka Jilu George da kamai ko 56 Run.
Ka Meghalaya hawa Bat ko da ye ko u kamai du 22 Run donhi heiwa ki le ngut kiwa Bat da haap ki ha ka Run Out.
Ka Meghalaya da em ko ha ka Group A kawa emlang ka Punjab, Baroda, Goa, Manipur waka Kerala.
Ka Meghalaya mynstep u yachem ko waka Baroda ha ka jooh ka thaw.
Discussion about this post