Lada man aiñ ka CAB daw khai-im biang ki seiñ kieñ suloi ka thaaiñ mihsngi: CoHSO

Shillong: Hadien wa ka BJP da yaleh ko wow pynman aiñ ya ka Citizenship Amendment Bill (CAB), neiliang ka Confederation of Hynniewtrep Social Organization (CoHSO) da maham ko wa ini i leh ka BJP daw pynkhai im biang i ya ki seiñ kieñ suloi hapoh ki jylla ka thaaiñ mihsngi.

Hawa yaklam wa kiwa pathai khubor u Chairman ka CoHSO, u Robertjune Kharjahrin da ong u wa lada ka BJP leh embor ko wow pynman aiñ ya ka CAB, i wow mih toh i sdang roi biang ki seiñ kieñ suloi.

Da ong u wa ini i leh ka BJP daw tympiah ko ya ka thaaiñ mihsngi waroh kawi wei ka CAB daw tynyap ko leh ya ki soskular wa da soi wa ka ri India wei daw tyngkheiñ i leh ya ka Sixth Schedule ka riti synchaar ka ri.

Hajrong i kam ka BJP wa kani ka aiñ toh ka wow yarap para bru (Humanitarian Ground) wow wanrah ya ki wymtoh ki Muslim na Afghanistan, Pakistan wa Bangladesh cha India, u Kharjahrin da ong u wa ka India toh u pynchitom ko ya ka Bangladesh ha ka khayi pateiñ (Economic Sanctions) neibhah wymye ko u yada ya ki khian paid ki yong ka.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da pynrap u deiwa ong wa ka Bangladesh yoh yarap ko na ka India wei lada ka Bangladesh pynchitom bru ko hajrong ka niam da toh wow pynchitom ya ka (Bangladesh) ha ka khayi pateiñ wei ye ki leh wow lai wot cha ka United Nations lada em i chah pynchitom hajrong i ngait niam.

Chooh chooh da ong u wa ka India ye ko wow kyntu ya kiwi ki ri wow pynchitom ya ka Bangladesh hajrong ini bar wow wanrah hi-eh ya kam kani ka Bill neibhah ini pynyoo i wa daw pyndoohjait ko ya ki tre ri kiwa man kam ki khian paaid.

U Kharjahrin da kyntu u leh ya ki MP ka Rajya Sabha wymtoh u pdiang ki ya kani ka Bill wei da dawa u leh na ka sorkar jylla wow e ko ya ka rai ha ka dorbar (Assembly Resolution) bar ya ka rai ka dhab ki montri (Cabinet Resolution) donhi.