Shillong: Ynne ka sngi da pynman ya ka State Level Function for Final Publication of Electoral Rolls heiwa ka 01-01-2019 man ko kam ka Cut-off Date iwa mut du kiwa dap 18 snem chwa kani ka ki tarik wow ye u em pyrtuid ha ka Electoral Roll, wei ya kani ka yalang da pynman ha Conference Room ka yung krehkaam u Deputy Commissioner, East Khasi Hills, Shillong.
U Chief Election Commissioner, u FR Kharkongor da pyntip u wa ha ka Final Electoral Roll em 18,92,716 ngut kiwa da pynpsiah pyrtuid kam kiwa thap vote neibynta ka Election MP yong uni u snem.
Da pyntip u leh wa daw pynthymme (Update) ya ka Electoral Roll khnang wow pyntikna wa waroh kiwa da kynjoh rta (18 snem) u yoh ki u chimbynta ha ka election wei ki kynthai man ki kiwa boon tam ha kini ki Electoral Roll.
U CEO da pyntip u wa neidaw wa duna i rukom chimbynta ki paidbah ha ki Election MP, da thooh ya ki laad ki luti wow pynchlur ya ki wow chimbynta ha ka Election wow wan.
Da pyntip u leh wa ka Voter Verification & Information Programme (VVIP) ka wow sdang ha ka National Voters Day daw ye kiwa thap vote wow pait yei pyrtuid yong ki, ki pyrtuid ki thaw thap vote namo ki polling stations wa kiwi ki yutip lyngba ka mobile phone.
Chwa ini da ekti ya ki Electoral Rolls cha kiwa mihkhmat ki party.
Ha kani ka yalang da emlang ka Deputy Commissioner, East Khasi Hills, Shillong, MW Nongbri u Additional CEO, u RP Marak wa kiwi kiwi.
Discussion about this post