Jowai: Ka 4th Invitation Knock Out Football Tournament kawa da pynman da ka Moddymmai Sport Club da man ko kawa lai bait ynne ka sngi ha Moodymmai.
Ynne ka yakhun Semi Final ka Sookiru da jop ko ya ka Eastern Pirates da 4-0 lyngba ka kool u Debinroy Nongspung haka minit wa 38, u Balat Diengdoh ha ki minit wa 48 wa 54 wa na u Niponghi Sumer ha ka minit wa 70.
Da ini i jop ka Sookiru daw yachem Final ko pyrchah ya ka Giovento FC na Mynso haka 19 tarik uni u bnai heipor 2:00 waje i sngi heiwa u Sniawbhalang Dhar daw man u kam u kongsan.
Kam wow pynkynmoo heini, ya kiwa jop ha kani ka lympung u yoh ki ka song poisa wa T. 2 lak, kiwa rem won T. 1 lak.
Discussion about this post