Da pynskem ka BJP ya kiwa kitkaam ha West Khasi Hills

Jowai: Kiwa yahkhmat ka BJP Meghalaya ha ka 15 tarik uni u bnai da hiar ki cha West Khasi Hills yow pynkha ya ka District Office Committee hei emlang u State President u Shibun Lyngdoh uwa da mynjur ya kani ka Committee hei emlang u State Vice President u David Kharsati, In-charge West Khasi Hills wa u Khrawbok Basaiawmoit, State Executive Member In-charge West Jaiñtia Hills.

Ki dkhot kani ka District Office Committee man ki kamni hawah:

U W. Marbaniang kam u President.
U Roland Mawsori kam u Vice President.
U Eugene Kharluki kam u Vice President.
U Tespolin Lyngkhoi kam u General Secretary.
U Johny Syiemlieh kam u Secretary.
U Ister Wahlang kam u Secretary.
U Diva Kharthangmaw kam u Treasurer.

U President wa u General Secretary ka Mandal toh ki Executive Member wei da pynyaar ya ki dkhot deiwa thung ya u DD Sohphoh wa u Hopestandard Mythong kam ki Special Member ka District.

Ya waroh ini da leh yow pynkhreh ya ka Election MDC wa MP wei da ebor ha waroh ki Mandal wa em hapoh ka West Khasi Hills District wow khut ya ki kyrtong MDC kiwa kwah u yaleh naka BJP wei ya ki pyrtuid u phah ki cha ka District Committee wei ki won daw phah ki cha ka State Selection Committee lyngba u District President yow ye u leh ya iwa emkaam.