Jowai: Ka dorbar chnong Sohmynting, West Jaiñtia Hills District, hajrong i thong wow pyndooh pyndam ya iwon iwon i awri wei wow wanrah yei chongsuk chongsaiñ wei wow pynneh yei khooid i jngiar da pynbna paidbah ko ya ki kyndon chnong wow pynkrehkaam heipor Election MDC 2019 ka wow man ha u bnai wow wan.
Ki kyndon kynthup ki wa da khang pyrchah ya ki ki kyrtong wow pynman yalang ha ki yung bru, ha ki dong ki chnat næ kiwon kiwon ki thaw lait noh ha ki Community Hall ka chnong.
Hajrong i wan ki kari na baar daw chah du hapoh soo tylli ki kari khian wow psiah chapoh ka chnong wa kynthup ya ka kari u kyrtong wa kiwa bood ya oo.
Ka chnong da khang pyrchah ko ya ki bru na baar wow wan cha ka yalang neibhah da tip che wa i wan ki kyrtong da mang du neibynta ki khon ka chnong.
Ya kani ka rai ka Executive Committee ka dorbar chnong da chim ko ha ka yalang wa pynman ha ka 16 tarik uni u bnai heiwa da kyntu leh ya ki khon ka chnong wow krehlang ki neibynta i chongsuk chongsaiñ ka chnong waroh kawi.
Discussion about this post