Kyntu ka seiñ AJSU ya ki bor ka aiñ wow kem smat ya kiwa slaitbor wei pynyap ya ka khynnah

Jowai: Ka All Jaiñtia Student’s Union (AJSU) Shangpung Circle, dei mynsien wa sñiawkhia yei jai ha ka thaaiñ Iooksi West Jaiñtia Hills District, yei wa chah slaitbor wei chah pynyap beiñ ka khynnah wa dang 5 snem ha ka chnong Priang neiliang ka seiñ da kyntu joor ko ya ki bor aiñ wa yaka District Child Protection Unit wow kitkhia ki wow kem smat ya ki bru wa emkti yow kset noh ki chisyndon.

Ka seiñ da beiñ joor ko ya kiwa emkti ki wym em de ka mynsien bru hadooh wow chim ya i mynsien kiwa dang hok dang khynnah.

Neliang ka seiñ da ong ko leh wa ym chong kli kti ko wei wow dawa jur ko ya ki bor ka aiñ wow thooh ki wut wut yow yoh ka pyrthai u tipmit ya kini ki damok ki wym kheiñ de yaka sang ka ma ka seiñ da phah ko leh yei sñiawlem chaki wa hayung hasem kamjooh.

Ini toh katkam wa pyntip u President ka AJSU Shangpung Circle u Byntami Sungoh.