Jowai: Ka Seiñ Kur War na Lamyrsiang, Latyrke, Sutnga wa Lumshnong ynne ka sngi da pynman ko ya ka yachem ki khon ka kur haka General Meeting wa pynman ha chnong Lamyrsiang.
Ha kani ka yachem ka Seiñ Kur da pynkup burom leh ya ki khon ka kur kiwa da leh bha ha ki Exam waphær waphær.
Hawa sdang ya ka yalang da yoh ya i ngooh blai naka Silbina War wei ya ka yalang da pynlai da u President ka Seiñ Kur u Dr. Ebennezer War wei da pdiang leh ya ka kur Pyngkhlong wa na Lumshnong kam chi kur hadien wa da thooh bniah wa skem.
Da pynbna leh waka yachem biang ka Seiñ Kur War wa le namo ka General Meeting ka wow wan u pynman ha ka chnong Sutnga ha u Duiyatra (Jan) 2020.
Ha kani ka sngi da pynchongchit ya ka yalang da ki yakehke wa boon jait ki khon ka kur wei da pynwai da i ngooh blai naka Iulang War.
Discussion about this post