Kyntu ka JSU ya ki bor ka aiñ wow pynchitom ya u Dawanbiang Langstang deiwa khor

Jowai: Katkam ka khubor wa phah da u Organising Secretary ka JSU-Central Body, u Yoosar Kynjing ynne ka sngi ka seiñ da beiñ joor ko ya i chah tynyap kawi ka khynnah wa dang 5 snem hadien wa chah slaitbor ko ha Priang, West Jaiñtia Hills.

Ka seiñ da e yaroh ko leh ya ki bor pulit ka District kiwa da kem ya u Dawanbiang Langstang, na Priang uwa da emkti wow leh ya ini i kaam.

Neiliang ka seiñ da ong ko wa kam ya kini ki bru kiwa da leh ya ki kaam sang ya ki khynnah wa kynthai da pynhiar dor ya ka jaitbru.

“Ka seiñ kyntu ko ya ki bor ka aiñ wow pynchitom smat ya u Dawanbiang wei wow pynchitom ya oo deiwa khor neibhah i kaam wa da leh u man i iwa ymem de u kheiñ wot yei mynsien bru khamtam yei mynsien khynnah wa dang man ki lok ki Blai,” da ong u Kynjing.