Jowai: Ka Jaiñtia Hills Truck Owners Association (JHTOA) ka seiñ yong ki tre truck na ri-loom Jaiñtia ha ka yalang (General Meeting) kawa da pynman ha ka 19 tarik uni u bnai ha Ynñiawmer, Pasyih West Jaiñtia Hills da pynsñiaw ki yei sñiawkhia iwa joor hajrong ka hukum yong ka Supreme Court kawa da pynmih ha ka 15 tarik uni u bnai kawa khang syndet yei challan ya u mooyong hapoh ka jylla, hanalda pynmih hukum kawa ha chwa ya kani kawa chah wow challan ya u mooyong hadooh ka 31-01-2019. Neiliang ka seiñ da pynsñiaw ko wa ini khang syndet da ktah joor ko ya ki tre truck kiwa im jakpoh na kani ka kaam, neibhah wa ya u mooyong wa da thap da dep wow thied ki bor sorkar da phah pynhap noh.
Ka JHTOA da pysñiaw ko yei sñiawngooh wa khroo ya ka sorkar jylla kawa da pynmih ya ka hukum ha ka 18-01-19 kawa da chah biang ya ki truk kit mooyong wow challan biang ya u mooyong kiwa da dep thap ha ki truk yong ki, deilang wa ki kot ki sla wa biang. Ha i jooh i por ka seiñ da kyntu joor ko ya ka sorkar jylla wow chah wow kit pyndep ya waroh u mooyong uwa ki da dep thied wa da dep pynhap ha ki thaw booh mooyong yong ki hadooh ka 31-01-19.
Chooh chooh ka seiñ da kyrpaad ko ya ka sorkar wow pdiang ya ki Challan kiwa da dep wow thied chwa ka 15-01-19, neibhah lada ka sorkar ym pdiang ko ya kini ki Challan daw wanrah ya i dooh nong wa khroo ya ki kam ki tre tuck.
Ha i jooh i por ka JHTOA da pynsñiaw ko leh yei sñiawlyngngoh wow yoo yei boon palat ki Check Gate khamtam ha Ri Bhoi District kawa sdang nadooh Lumdiengngan, Khapara, Damsite, Nongpoh wa Byrnihat.
Ka seiñ da ong ko wa i em boon palat ki Check Gate du hapoh kawi ka District da pynwit pynthut chiboon yei lai i wan ki truk. Kamtæ ka seiñ da booh ko yei kyrpaad ya ka sorkar wow chimkhia ya kini ki eh wa ka seiñ yachem ko
Ini toh katkam wa pynlait khubor na u Vice President ka seiñ u P. Shylla wa u General Secretary u H. Suiam.
Discussion about this post