Jowai: Ka seiñ Society for Urban and Rural Empowerment (SURE), Jowai deiwa ya krehlang waka North East Slow Food & Agrobiodiversity Society (NESAF) da pynman ki ya ka e sikai wa chi sngi hajrong ka phang kammon wow chna sboh (Berkely Composting) haka 21 tarik uni u bnai ha ka chnong Mukhap, West Jaintia Hills.
Ha kani ka e sikai da wan chim bynta da ki Local Group wa ki Self Help Group yong ka chnong Mukhap wa Mynso, wei ya ka yalang da pynlai da ka Daka Bareh.
Ha chwa wow sdang ya kani ka e sikai da yoh ya i klam pdiang burom yaka Resource Person, kiwa kreh ka SURE wa ya kiwa chimbynta ha kani ka e sikai, hadien kani da yoh yei klam naka Pasqualina Lamare kawa da e yei batai ya ki Local Group wa ya ki Self Help Group chaphang i krehkaaam yong ka SURE, wei hadien ini da yoh yei klam naka bru chemphang (Resource Person) ka Rika Lamare kawa man kam ka Agricultural Development Officer (ADO) chaphang wow chna ya ka sboh wa 18 sngi.
Da ong wa i rukom wa sikai wow chna ya ini i sboh toh kawa suk wei ki tiar ki tar wa emkaam toh kiwa suk u yoh.
Ha chwa wow pynkut ya ka yalang da yoh ya ki kyntien e khublei naka Somja Phawa.
Discussion about this post