Shillong: U Symbood Montri Rangbah ka jylla, u Prestone Tynsong da ong u wa ka Election MDC ha ki ar tylli ki Autonomous District Council ha ka jylla u lai bait ki kamwa da pynbna ka sorkar wow man ko ha ka 27 tarik uni u Thohlakhmi.
Hawa yaklam wa kiwa pathai khubor, u Prestone da ong u wa ka sorkar u pynlai bait ko ya ka Election MDC, hanlada ka dhab ki montri namo ka Cabinet ka sorkar pyrdi da mynjur ko wow pynkylla noh ya ka Article 280 yong ka Sixth Schedule ka riti synshar (Constitution) ka ri India.
U Prestone u da ong u wa ini i pynkylla ya ka Sixth Schedule daw chimpor ko neibhah daw haap rah ya ka ha waroh ar tylli ki yung dorbar Parliament wow yoh yei mynjur wei hadien haap phah cha u President ka ri wow yoh ya ka muhor na oo.
Da ong u leh wa hadooh katni ka sorkar ym pynyinsur ko ya ka Election tangwa u lai bait ko kamwa da pynbna kat wym pu phah da ka sorkar pyrdi.
Discussion about this post