Pyrchah ka KSU yei thung kyrdan heh ka sorkar ya ki ar ngut ki dkhot ka NTYU kiwa choon ya ka jaitbru

Jowai: Ka Khasi Students’Union (KSU) da pynsñiaw ko yei pyrchah joor hajrong i yoh kyrdan ki ar ngut kiwa yahkhmat ka Non Tribal Youths Union (NTYU) ha ki chnat ka ka sorkar Meghalaya. Kini ki ar ngut  kynthup ki ya u Pawan Sharma uwa nachwa man u kam u General Secretary ka NTYU uwa da yoh wow ksoh kam u Vice Chairman ka Meghalaya Commission on Resource Mobilisation wa u Vijay Raj uwa nachwa jooh man u kam u President ka NTYU uwa da yoh wow ksoh kam u Vice Chairman ka Meghalaya Programme Implementation.

Ka seiñ da ong ka wa ha ki snem 1990s kani ka seiñ da seiñ wow yaleh pyrchah yei hok ka jaitbru Khasi kawa jooh pynman ya ka yakhih wow khut khang chnong wow pyrchah ya ki aiñ wow yada ya i hok ki tre ri wow wanrah ya ki aiñ kiwa ktah ya ka jaitbru kam ka Municipal Election.

Kamtæ ka seiñ ka sñiaw ko wa i yoh ksoh kaam ha ki kyrdan kiwa heh kini ki ar ngut kiwa choon ya ka jaitbru man ko kamwa e buskit ya ki hajrong ki yaleh pyrchah ya ka jaitbru Khasi ha ki por kiwa nachwa wei katni da pynchlur ya ki baar ri wa ki baar jylla wow mih ki chakhmat wow yooh beiñ wei wow knieh ya ka hok ki khon Khasi Khara.

Kini ki ar ngut ki bru toh kiwa choon ya ka jaitbru khamtam ya ka seiñ KSU wei ka seiñ sñiaw ko wa lada ka sorkar ym pyndam ko ya kini ki ar ngut na kini ki kyrdan wa da thung ya ki, ka seiñ ym banse ko wow pynyoo dei bor wow pyndooh jait syndon ya kam kini ki bru wa choon ya ka jaitbru.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ini toh katkam wa pyntip u Donald V Thabah, General Secretary ka KSU-CB.