Jowai: Ka CoHSO da pyntip ko wa daw pynman ko ya i pynche paidbah hajrong ka Citizenship Amendment Bill 2016 kawa da wanrah da ka sorkar pyrdi.
Ya kani ka yalang daw pynman ha ka 28 tarik uni u bnai ha Khliehriat wa ha Amlarem heipor 11:00 waje i step.
Kamtæ da kyntu ya ki paidbah na ka East Jaiñtia wa War Jaiñtia wow mih yonglang wow wan cha kini ki ar tylli ki yalang.
Ha ka 31 tarik uni u bnai won daw em ka Dorbar Bah yong ka bri u Ynñiawtrep ha Shillong ha Madan Student Jaiaw heipor 11:00 waje i step.
Ka CoHSO da ong ko leh wa emkaam wow mih paidbah ha kani ka sngi wow pynyoo yei yatylli khnang wa ki dkhot ka Rajya Sabha u pyrkhat arsien ki chwa wow mynjur ya kani ka Bill ha ka dorbar wow wan.
Discussion about this post