Jowai: Heipor 03:18 i step ynne ka 26 tarik ki chipai ka Indian Navy da chem ki sa iwi i metyap naka krem mooyong wa em kiwa chah kset ha Ksan, EJH hadien wa psiah ka kor ROV hadooh 280 Feet chapoh ka paar mooyong wei dang yaleh hadooh kattæ wow sai ya ini i metyap.
Heiyatoh won wa i taan um, ka CIL da taan um ko na ki ar tylli ki krem mooyong warim hadooh 5 waje i janmiet iwa da poi yonglang 34 kynta wei waroh ka um wa da sai da poi 4590000 liter.
Neidaw wa pyndik ka Pump ka KSB da dam chwa chipor wow taan um yow pynchna chwa ka.
Ka Kirloskar won da pyndait ko ya ka pump sa ha kawi ka krem mooyong warim wei daw sdang noh sa chisien wa dep u leh ya ini.
Ka Odhisa Fire Service won da dam chwa ko pynkremkaam ya ki neidaw wa da chimkti ka Kirloskar.
Heiyatoh won wa i metyap u Amir Hussain uwa na Chirang Assam wa da dep sai, ynne ka sngi da e kti cha kiwa hayung hasem yong oo hadien wa pyndep ya iwa emkaam.
Discussion about this post