Shillong: Ka Meghalaya Tourism Youth Development Society (MTYDS) ryngkat wa ka ‘Glama and Supermodel India’ daw pynman ko ya ka ‘Miss Meghalaya – 2019’ ha ka 16 Thohlakhmi ha Bakur, Dawki.
Kiwa jop ha kani ka yakob daw lai mihkhmat ki cha kiwi won ki rynsaan yakob miat kynthai kam ka ‘Miss India Earth’, ‘Miss International’ wa ‘Miss Teen India’.
U dkhot ka MTYDS, u Daniel Khongsit da ong u wa boonsien hi ki yakob miat kynthai da pynman ya ki ha Shillong wei ym yarap ware ki wow kyntu ya ki khynnah khyllood.
Da ong u wa kani ka yakob daw man ko ka laad ya kiwa chim bynta kammon wow ku ki chaphrang wei wow pynwandur ki pyn daki yaki hi nadooh wa sdang napoh jylla hadooh kiwi tawon ki yakob wa heh ha ka ri.
Ka Audition u pynman ya ka ha ka 2 tarik uni u bnai wow wan ha Youth Hostel, Shillong wei kiwa chah jied toh u jrong ki ym duna ya ka 5.3 phut, wei emkaam leh wow wanrah ki ya ki juti jrong khyndong yong ki.
Kawa jop ha kani ka yakob u yoh ko T.1 lak, T.50 hajar ya kawa ar wei T.30 hajar ya kawa yoh wa le.
Ya ka yutip wa bniah ye u phone ha u No. 7005906100/9436748112.
Discussion about this post