E kti ka MPUF-EJHD ha u Kyrmen ya ka dorkhat wow dawa ya ki 5 tylli ki phang

Khliehriat: Ka Meghalaya People’s United Front-East Jaiñtia Hills District (MPUF-EJHD) ynne ka sngi hapoh i yahkhmat u President ka seiñ u Michal Chyrmang ryngkat i emlang u President ka Khliehriat Circle u Kyrshan Blah da ekti ko ya ka dorkhat ha u MLA ka 6-Khliehriat Constituency uwa man leh u montri ka sorkar jylla.

Ha ka dorkhat da dawa ya ki san tylli ki phang wa kynthup ya kini hawah:

1. Wow chna pynmiat ya u sarok nadooh na Ladrymbai, Moolamanoh hadooh Moolang.
2. Wow chna pynmiat ya u sarok nadooh Ladrymbai hadooh ka chnong Rymbai. 
3. Wow pynbha pynmiat ya ki luti syngkieñ kiwa em hapoh ki dong ki chnat yong ka Headquarter ka District East Jaiñtia ka Khliehriat.
4. Wow booh ya ki Street Light hapoh ki dong ki chnat yong kani ka Headquarter. 
5. Wow pynsmat yei kreh ya ka Rymbai Greater Water Supply Project kawa em ha ha Rymbai wa tip kam ka Phephe ka wow e myntoi hadooh khatsan tylli ki chnong hapoh ka 6-Khliehriat Constituency.

Katkam i ong ka seiñ u sarok nadooh na Ladrymbai chadooh Rymbai wa uwi won u sarok nadooh na Ladrymbai, Moolamanoh hadooh Moolang da man u uwa jæd chawa palat wei da slem ym em de u chna ya ki wei em ki du hapoh chiphaw kilometer na ka Headquarter.

Ka seiñ hawa yaklam wa u Kyrmen Sylla ha ka kamra krehkaam yong oo ha Secretariat neiliang yong oo da pyntip u wa da pynmih ki ya ka Rymbai ha ka List yong ki sarok wei daw pynkreh noh ya ki katwa u yong ka Moolamanoh dang thooh laad.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hajrong ka Greater Rymbai Water Supply Project won da ong u wa dadep pynbiang nadong chadong sah sadu wow pynpoi bordiñ hi-eh khnang wow booh ya ki motor deiwa pynrap leh wa ki thaw wow yoh myntoi nyngkong na kani ka project toh ka Rymbai wa ka yung krehkaam u Deputy Commissioner ka East Jaiñtia wei manda dep ya ka bynta (Phase-I) wa nyngkong daw pynbood ya kawa ar katwa ya kawa le won daw pyrchang wow pynpoi um cha ki chnong wa dang sah.

Ka seiñ da ong ko wa ki paidbah khamtam hei tlang chem chitom bha ki wow yoh um wei da chah pynbor ki wow thied ya ka um wow pynemkaam ha kiwa boon ki bynta.

Heijooh i por ka seiñ da ong ko wa daw yang ko katkam wa da kular u Kyrmen wei lada ym man ki kamwa da kular ka seiñ daw chong pyrkhat ko hajrong kini ki kaam waroh.