Shillong: Ka dhab ki montri ka sorkar jylla da mynjur ki wow ekti ya ki aiñ chna yung ka Meghalaya Urban Development Authority (MUDA) cha ki Autonomous District Council (ADC) wow yohbor (Permission) wei wow pynkrehkaam ya ki ha ki thaw wa haap cha baar i pait ka Municipal.
Hawa yaklam wa kiwa pathai khubor ynne ka sngi, u symbood montri rangbah ka jylla, u Prestone Tynsong da ong u wa ka yalang da mynjur ko wow ekti ya ha ki District Council wow pynkrehkaam ya ki aiñ chna yung ka MUDA ha ki thaw wa haap ha ka 6th Scheduled wei hapoh ka Master Plan yong ka Town and Country Planning Act 1973.
Katkam wa ong u Prestone, ki kyndon chna yung wow pynkrehkaam da ki District Council u man ki ki jooh kamki yong ka MUDA, ya kiwa da pynphær kajiak.
Da pyntip u leh wa hadooh katni em du ar tylli ki District Council wa kynthup ya ka KHADC wa ka JHADC kiwa dadep ekti (Submit) ya ki aiñ chan yung tangwa emkaam won wow em kawi ka aiñ kawa yaryntih wow pynkrehkaam da waroh ar tylli ki District Council neibhah wa iwa kongsan tam toh wow chna ya ki yung wa chngaaiñ.
Da pyntip u leh wa ki District Council da pyntip ki wa daw chna ki ya ki chnat Engineering Wing neibynta kani ka kaam.
Discussion about this post