Ki kaam tooh ha kylleiñ ka jylla

Jowai: Katkam wa pyntip ki pulit, ha ka 25 tarik uni u bnai u Fevian L Khongmawpat da ujor u wa heipor 7:45 hadooh 8:00 waje i miet uwi u bru wa ym tipmit da tooh u ya kawi ka muna u kawa em ya kawi ka Laptop, ka poisa wa T. 30,000, ki sula wa kiwi kiwi.

Ha ka 24 tarik, u George Kharlyngdoh da ujor u wa em wa tooh ya ka thuk thuk u kawa em ya u number ML-06-8305 heipor 11:00 waje i miet kawa pynyeiñ hajan ka Riangdo Post Office, WKH.

Ha ka 30 tarik heipor 01:00 waje i syniaw da em hadooh 20 ngut ki bru wa ym tipmit kiwa da psiah cha ki kamra ka St. Dominic Savio Church, Goramara kawa em hapoh Garobadha, WGH wei da tooh ki T. 65,000 wa ar tylli ki mobile phone.

Ha kani ka jooh ka sngi ka Mamta Chettri da ujor ko wa da chah tooh i yung ko iwa em ha Pomlakrai, EKH wei da chah tooh ki kchu wa kiwi kiwi ki tiar yung.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Ha ka 28 tarik, u Santosh Kr. Singh uwa naka Blueberry Inn, Shillong da ujor u wa da em wa psiah tooh chapoh kani ka Hotel heipor 8:30 i miet wei da tooh ki ya ka synduk poisa.

Ha ka 27 tarik, ka Sumitra Hajong da ujor ko wa heipor 01:30 i step synyaw da em wa tooh ya ka kari Mahindra Bolero ko kawa em ya u number ML-08F-0656 na chnong Beldapara, WGH.

Ha ka 25 tarik won u Chenang B Marak da ujor u wa heipor 7:30 i miet da em wa tooh ka ka thuk thuk u wa em ya u number ML-08B-9895 na chnong Samingre, WGH.