Jowai : Ka NSS Unit ka Thomas Jones College kam chibynta na ki kaam wa jooh pynman ko na ki por cha ki por ynne ka sngi da pynman ko da ka Awareness Programme on “Road safety – traffic rules and regulations” ya ki khynnah puræ ka college.
Ya ini da pynman deiwa ya krehlang wa ka tnat traffic ki pulit ka Jowai.
Da jied u pynman ya kani ka awareness program neidaw wa kat dang lai ki sngi dang boon ki kari ha chnong Jowai kamjooh ki yatyrrah dang joor ki.
Ha u snem 2015 du hapoh West Jaiñtia Hills da em 200 tylli ki accident heiwa boon wada dooh yei mynsien ki.
Hei yatoh weini u ma J. Wahlang SI Traffic Branch Jowai da pynyoo u ya ki dur accident wa boon wa jia hapoh ka chnong Jowai wei da ong u wa em kiwa lait-im deiwa deiñ ki ya ki Seat-belt wei em leh wa dooh yei mynsein ki deiwa dam ki u deiñ seat belt. Da pynyoo leh ya ki video wa pynyoo heiwa katwon yarap ya ki bru wa deiñ Seat-belt kamjooh leh ya i yah khlemakor ya ki kari iwa yah cha i accident. Heijooh i por leh da pynyoo ya kiwa lai dei kjat yow man ki kiwa husiar hei por hiar por ku kari wa heipor lai ki ha sarok.
U ma DH Pde, In-charge Traffic da ong u wa hapoh India man u snem em palat 4 lak tylli ki accident jia i heiwa na kini palat chi lak ngut dooh ki yei minsien ki.
Neiliang ka NSS Thomas Jones da pynman ko ya ka yakop dro dur hei yatoh wa ki aiñ traffic heiwa yei naam jop da yoh ka Libertyday Kyndiah wa puræ BA 2nd semester, wa ar u Sakhiat Pale class 12 Arts katwa yei naam wa le da yoh u Weldon Garod BA. 2nd semester.
Discussion about this post