Jowai : Ka Jaiñtia Hills District Chess Association da pynman ko ya ka 1st Inter School Chess Tournament 2016 ha ka skur Government UP School, Jowai.
Ha kani ka tournament da wan chimbynta soo tylli ki skur na Jowai kiwa kynthup ya ka Marian Hill HS School, North Liberty HS School, Q C Springside waka Government UP School, Jowai.
Ya kani ka Tournament da sdang nadooh ka 29 tarik u Wisu wei da pynkut ya ka ynnin ka 31 tarik heiwa neiliang ki chynrang da jop u Dakhroolang-i Lamar heiwa da pynrem u ya u Wandamehi Lamar. Waroh toh na ka skur QC Springside.
Neiliang ki kynthai da jop ka Sumon Lamare deiwa pynrem ko ya ka Angelina Lamare kiwa puræ ha Government UP School, Jowai.
Ya ki khusnaam cha ki wa jop da wan saam da u ma Comet Kyndiah, President ka Jaiñtia Hills District Bar Association.
Chwa u saam ya ki khusnaam u ma Comet da pynchlur u ya kiwa em yei sap wow chimkhia ki u pynbha chooh yei sap yong ki yow man leh kam ki laad kamai ja kpoh
Discussion about this post