Shillong: Ka State Youth Parliament 2019 da pynman ya ka ha Old Guest House NEHU heiwa u montri ka chnat puræ puthi ka jylla, u Lahkmen Rymbui da man u kam u kongsan.
Hawa e yei klam, u Lahkmen Rymbui da ong u wa em chiboon i eh i khoo wa yachem ki khynroo khyllood hapoh ka ri kiwa man ka mynried ka ri wei ymye wow kiar na i kaamram wow yarap ya ki.
Da ong u wa kam kani ka yachemlang yarap bha ko wow kyntu kynrong ya ki wow ye u pynmiat wei wow pynwansur ya ka mynried ka ri.
Ka Ministry of Youth Affairs, Government of India da pynman ko ya ka National Youth Parliament 2019 neibynta kiwa em hapyrdi 18 – 25 snem nadooh ka 21 Duyatra hadooh 28 tarik uni u bnai.
Ki District Youth Parliaments won hapoh ka jylla da pynman nadooh ka 28 Duyatra hadooh 19 tarik uni u bnai heiwa daw jied 15 ngut kiwa chimbynta wow yakhun ha ki yaob waphær waphær wei na kini waroh daw jied ya ar ngut ki wow mihkhmat ya ka jylla ha ka National Youth Parliament 2019.
Ha kani ka sngi sdang da emlang u Charles Pyngrope, MLA, u Vice Chancellor, NEHU, Henry Lamin wa kiwi kiwi.
Discussion about this post