Chnong Shiliangmyntang

1.Ei ngooh ei dem ya Me A Blai Kynrad,

Neibynta ka chnong wa maya yong i;

Da booh da seiñ mi heithaw wa kyrpang,

Chnong wa maya yong i, Shiliangmyntang.

2.Shiliangmyntang ka Chnong wa maya,

Ya nga ha pha da pun da kha;

Manda kynmoo ya pha dap o dei kmen,

Chnong wa em naam wym ye O’u len:

3.To nangheh nang kmai kat dang mih ki sngi,

Yow roi yow par ka chnong yong i;

Chirup deilang u tia chaprang,

Yatylli kynthai wa chynrang.

4.Da booh da seiñ da ki waheh ka chnong,

Nadooh na Loom Karot wa Nangwyrdon;

Na Loom Langmet hadooh Syllai ka Pan,

Chnong trei i katni Shiliangmyntang.

5.I sah biej sah them u pyndooh noh ki,

Hei kjut chitom u yarap kylliang i;

I dooh i thngan u beh i ki chajngai,

Kreh lang kam ka chnong yow kyrkhu U Blai.

6.Wym hoi u em i ya atnood bichni,

Yaleh pyrchah ya kiwa choon yong i;

Yatylli dei lang kynthai wa chynrang,

Chirup chirup u tia i chaphrang.

Written by: Dayoomonmi Bareh