Jowai: Ynne ka sngi ka Iawmusiang, khamtam hakhmat ka yung krehkaam u Deputy Commissioner ka West Jaiñtia Hills da dap ko da ki paidbah kiwa wan synraan ya jar jiar ki kyrtong MDC neibynta ka Scrutiny namo ka sylli ya ki kot ki sla yong ki.
Chirup wa ki paidbah da wan synraan lang leh ya ki kyrtong da ki heh sorkar kam u Montri ka chnat Transport uwa man kam u MLA ka Wahiajer u Sniawbhalang Dhar, u MLA ka Jowai u Wailadmiki Shylla wa u MLA ka Mowkaiaw, u Nujorki Sungoh.
Ya ki kyrtong da synraan lang leh da ki kurim ki yong ki kam wow pynehdaw ya ki.
Ha Jowai da sylli ya ki kot ki sla ki kyrtong na ki 17 tylli ki Constituency wa kynthup ya ka Sohmynting- Khliehtyrshi, Mukhla-Wahiajer, Ummulong Moodymmai, Nangbah, Nartiang Umladang, Nongjngi, Myngsngat Khanduli, Shilliang Myntang, Barato Mukroh, Saphai, Mowkaiaw, Raliang, Shangpung, Jowai North, Jowai Central, Jowai South wa Muthlong Sohkymphor Constituency.
Waroh ki kyrtong ki wow yakhun na kini ki Constituency em ki waroh 60 ngut wei ka Constituency kawa boon kyrtong dooh toh ka 12 Barato Mukroh Constituency kawa em 7 ngut ki kyrtong wei kawa duna dooh toh ka Sohmynting Khliehtyrchi, Nongbah, Nongjngi, Mowkaiaw, Raliang, Shangpung,wa ka Jowai North kawa em mar ar ngut ki kyrtong.
Discussion about this post