Jowai: Ka yalang yong kiwa sikai SSA yong ka East Khasi Hills District daw pynman ha ka 16 tarik uni u bnai hapoh Khasi National Dorbar Hall Mawkhar Shillong heipor 10:30 i step.
Katkam ka kyrwoh wa phah da u Starwell Lyngdoh, Publicity Secretary ka Meghalaya SSA School Association (MSSASA) East Khasi Hills District Unit, da pyntip u wa ha ka tai ka yalang daw yaklam hajrong ka phang wow lai ujor noh cha ka Meghalaya High Court hajrong ka Arrear kawa dang sah sa 8 bnai yong u snem mang tyngka 2016-17 ya iwa ka sorkar jylla hadooh katni ym pu em su ko cha kiwa sikai SSA.
Ha kani ka yalang daw jied leh ya kiwa kitkaam wa thymme yong ka MSSASA East Khasi Hills District Unit neibynta 2019-2021 nalor kiwi de ki kaam kiwa daw pyndep ha ka tai ka yalang.
Kamtæ da kyrpaad ya waroh kiwa sikai SSA wa Secretary ki SMC yong ki skur SSA hapoh East Khasi Hills District wow wan khnang khnang cha ka tai ka yalang wei lada em kiwa sikai ki wym ye u wan na ki daw wym ye u kiar wow phah ki da kiwi heithaw yong ki na ka skur yong ki hi.
Discussion about this post