Jowai: Ka North East Students’ Organisation (NESO) kawa kynthup ya ka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) waka All Arunachal Pradesh Students’ Union (AAPSU), da e khublei ko ya waroh ki paaid ka North East heiwa da i yatylli wa i kreh chitom, ka sorkar India ym ye ko wow wanrah ya ka Citizenship (Amendment) Bill 2016 ha Rajya Sabha ynne ka sngi.
Ka NESO da e khublei ko leh ya waroh ki seiñ kiwa kreh chitom hadooh ki seiñ ki manbei wow pyrchah ya kani ka Bill kamjooh ki sorkar jylla ka North East kiwa da yeiñ skem kam ka sorkar Meghalaya kawa yah khmat da u Conrad Sangma, ka sorkar Mizoram kawa yah khmat da u Zoramthanga.
Da pynsñiaw leh ya i sñiawngooh ya u Nitish Kumar, Chief Minister ka Bihar heiwa ka Party u ka JD(U) da chim ko hadooh ka rai (Resolution) ha ka National Executive Council yong ki wow pyrchah ya ka CAB. Ka NESO da pynsñiaw ko yei sñiawngooh ya ki seiñ saiñ pyrthai kiwa da yoh ki u yachem kiwa da e i kyrchaan ya ka NESO kam ka Shiv Sena, Congress (I), SP, BJD, TMC, DMK, SAD, NPP, AGP,TDP, BPF wa kiwi kiwi.
Ka NESO ym em myllin ko ya kitu kiwa da mynsoo ha kani ka yakhih kam hapoh ka jylla Tripura, Manipur wa Assam deiwa ong wa i chlur yong ki ym na i iwa sepai.
Discussion about this post