Kem wei pynmynsoo ki pulit ka Assam ya kiwa pynyieñ chrot bordiñ ha Langpih

Shillong: Ynnin ka sngi 13 tarik da chah kem ki ar ngut na ka jylla Meghalaya wei da mynsoo leh boon ngut kiwa na Umwali, Langpih, West Khasi Hills.

Katkam i kam ki heh ki pulit, da chah kem ar ngut ha ki pulit ka Assam neidaw wa yarap pynyieñ ki ya ki chrot bordiñ deilang wa kiwa kreh ka MeECL.

Ha u snem wa dadep kiwa chong chnong ka Umwali da pynyieñ ki ya ki chrot bordiñ tangwa da chah pynsangeh ki ha ki pulit ka Assam wei ha ka 13 tarik won yong uni u bnai da sdang biang yei kreh tangwa da chah pyndam biang ki ha ki pulit ka Assam neibhah wa kam ki (Assam) wa uni u pood haap u hapoh i pait i yoo yong ki.

Katkam wa kam ka sorkar Meghalaya da ong wa da pynneh ya ka Status Quo khamtam heiyatoh wa ki kaam pynroi wei ym toh u leh ya ki lada ym mynjur waroh arliang deiwa pyntip hakhmat ki jar jiar ki DC ka thaaiñ hajrong kiwon kiwon ki kaam.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da rai leh wa ymtoh wow wanrah ya i tia pood ha kini ki thaaiñ tangwa ini da ktah i ya kiwa chong chnong wa ymyoh bordiñ de ki.

Ki paidbah kani ka chnong neidaw wym yoh bordiñ ki wei daw em ka yaseiñ wow man ha kani ka thaw da jhan ki wow pynyeiñ ya kini ki chrot bordiñ.

Neiliang u Conrad Sangma da ong wa kani ka kaam toh kawa da man jai jai kattæ wei ki pulit ka Assam da dat ki neidaw wa em kiwa kawang moo.

Ka khubor wa dang yoh da ong wa ki pulit ka Assam ym du wow kem ki wei dat ki leh ya ki paaid Khasi da chah dat leh uwa kreh MeECL, heiwa ki seiñbhalang ka KSU Rimuliang Circle waka HYC Nongstoin da lai yachem ki wa u DC Nongstoin ynne ka sngi tangwa neidaw wa ym em u da yachem ki wa u ADC Nongstoin u PD Sangma wei da yaklam ki wa oo deilang wa ki Magistrate kiwa da chimkhia ya kani ka kaam wow pyllait ya ki bru wa chah kem ha Assam.

Neiliang u Local MLA u Kimfa Marbaniang yong ka Rambrai Constituency da lai u wut wut cha Langpih wow yaklam ya kani ka kaam tangwa ym em wa ap ya oo nadooh ki pulit kiwa da e laad ya ki paidbah ka Assam ki Kharkhali kiwa da kdaw kti pathan ya oo wa pyrchah ki wow pynyeiñ ya ki chrot bordiñ.

Ya kiwa mynsoo da kit cha Hospital Nonglang wa cha CHC Nongstoin wei ini da jia i heipor kamwa 11 waje i step.