Jowai : Ynne i miet ka 2 tarik ka Raij Jowai da sdang ko ya ka Chaad Sukra yong ka da ka lehke Drama wa tip pyrtuid kam ka “Pahooh i sñiaw” ha yungwalieh ka Panaliar.
Ha kani ka Drama da sdang hadien ka yalang wa tbian heiwa u CEM ka JHADC u ma Thombor Shiwat da man u kam u kongsan.
Ya kani ka drama da thoh wei da pyllai (Direct) da u ma Chaphrang Kynjing weiwa da chimbynta da u Samitre Laloo, ka Christina Laloo, ka Wandalan Dkhar, u Nangbha Rymbai wa kiwi kiwi.
Kani ka lehke drama toh kawa klam neibynta uwi u bru uwa kwah u synchaar yei hot i pot ka yung ka sem kamjooh leh wei yong kurim u tangwa hadien habood cha beh chah kyntait u ha kiwa hayung kamjooh ka ki yongkurim u.
Katwa mynstep won daw wan u lat ka jylla kam u kongsan ha Iawmusiang ha kani ka Chaad Sukra.
Discussion about this post