Da tip ya kiwow psiah Semi Final ha ka U 14

Jowai : Ka lympung yakhun yalehball Under 14 kawa da pynman da ka West Jaiñtia District Sports Association, da poi ko cha ka bynta wow yakhun ha ka Semi Final.

Ynnin ka yakhun wa nyngkong heipor 10 waje i step da jop ka Mooralong SC ya ka Khliehiongriang da 2-0. Heiwa ya kini ki goal da thap da u Bankerlang ha ka minit wa 36 wa ka 40.

Ha ka yakhun wa ar won heipor 11:30 i sngi ka Umshangiar SC da jop ko ya ka Khimusniang SC da 2-1. Wei ya kini ki goal da thap da u Emitre Papeng haka minit wa 55 ka Khimusniang dei bakla da thap goal ko pyn daka yaka hi lyngba u Donkupar Sympli haka minit wa 28 katwa ya ka goal wa jop ka Umshangiar SC da thap da u Wanda-oo Lato ha ka minit wa 58.

Related posts

Jop ka 2 Jowai Veterans wa ka Sumer ha ka Veterans Cup 40 Above Football Tournament

October 4, 2026

U sdang noh ka Amlarem Football League 2026-27 ka ASSA

October 4, 2026

Haka yakhun wale won ka Ladthadlaboh SC da jop ko ya ka Newhill SC da 5-2. Ya kini ki goal da thap hat trick da u Lanhun Dhar ha ka minit wa 20, 35, 47 wa na u Dowell John Shylla ha ka minit wa 45 wa 54. Katwa ka Newhill SC da yoh ko u thap lyngba u Stevenson Phawa ha ka minit wa 53 wa na u Wanda Biam ha ka minit wa 59.

Kamtæ ka Ladthadlaboh SC da psiah ko cha ka Semi Final wa ka Chutwakhu SC hadien wa Umchangiar ym ye ko u jop deiwa tam 4 goal.