Beiñ ka CoHSO yei klam u Amit Shah, deiwa dawa wow leh ya ka ILP wa NRC

Shillong: Neiliang ka CoHSO da beiñ ko yei klam u Amit Shah, uwa man kam u President ka BJP deiwa ong wa ka BJP daw wanrah biang ko ya ka Citizenship Amendment Bill lada wan biang ko hei bor.

Ini i thmu ka BJP wow pynman tre chnong namo tre ri ya ki baar ri na Pakistan, Afganistan wa Bangladesh toh wow yoohbeiñ ya i hok ki tre muluk ha ka Bri Ynñiawtrep wei ha ka thaaiñ mihsngi hi waroh kawi.

“I kam ki tre muluk ka thaaiñ da pynsñiaw i yei pyrchah ya kani ka Bill wei wot kattæ leh ka BJP ym ap ko wei ym ñiawkor ko yeini wei ini i klam u Amit toh wa yoobeiñ u ya ki tre muluk ka thaaiñ mihsngi,” da ong u Lamphrang K Bani, uwa man kam u President ka HANM.

Ka CoHSO da kyntu ko leh ya ki seiñ waphær waphær wow dam noh u krehlang wa ka BJP, deiwa kylli wa kammon u krehlang phi wa ka BJP kawa thmu wow thombor ya ki khian paaid deiwa kyntu ya ki BJP hapoh jylla wow dam noh u embynta wa kani ka Party (BJP).

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka CoHSO sa chisien da dawa ko na ka sorkar Meghalaya wow pynkrehkaam noh ya ka ILP wa NRC neibhah kam ki seiñbhalang da man ki kiwa da pynkhreh wow leh pyrchah yei thmu wow pynman aiñ ya ka CAB.

Da dawa ko leh na ka sorkar Meghalaya wow chim ka rai wow dawa pynkut noh ya ka India Nepal Peace Treaty neibhah wa booh ko hei maa ya ka jaitbru Ynñiawtrep.