Mynsoo 10 ngut ha i tyrrah ka truck BSF wa ka kari kamai

Jowai: Katkam wa pyntip ki pulit, ha ka 18 tarik uni u bnai heipor 11:30 i sngi ka wi ka truck BSF wa em ya u number HR-55C-4138 wa yah da u H/C 892105096 James K G ka 141 Bn. BSF, Dakopgre, Tura da tyrrah ko wa kawi ka kari kmai (Sumo) kawa em ya u number ML-08E-1502 wa yah da u Venny Hinn Marak ha Jaksongram, South Garo Hills.

Ha ini i jia uwa yah kari Sumo wa ki 10 ngut wa em hapoh kani ka kari da mynsoo ki wei da kit ya ki cha Civil Hospital, Baghmara yow yoh yei sumaar wei ki pulit dang pynman ki ya ka takit yow tip yi wa bakla.

Ha ka 16 tarik won ka wi ka Maruti Taxi wa em ya u number ML-05R-1419 da tyrrah ko ya ka wi ka Scooty wa yah da u Dipak Chandra Das ha 4th Furlong, Shillong wei da yut uwa yah kari katwa uwa yah Scooty won da mynsoo u.

Ha ka 18 tarik won heipor 9:45 waje i miet ka wi ka kari kawa ym tip number da tyrrah ko ya u Birju Kisku (22 snem) ha Umeit Shillong By-pass Road, Ri Bhoi hadooh wa khlaad u.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Ya i metyap da kit cha Civil Hospital Nongpoh yow pyndep ya ka Post Mortem.

Ha ka jooh ka sngi heipor 9:10 i miet ka wi ka kari wa ym tip number da tyrrah ko ya u Budter Shongwan (50 snem) ha Byrnihat Bridge, Ri Bhoi hadooh wa dooh u yei mynsien u.

Ya i metyap da kit cha Civil Hospital Nongpoh yow leh ya ka Post Mortem.

Ha ka 16 tarik won heipor 11 waje i janmiet da em ka wi ka kari wa ym tip number da tyrrah ko ya u Bishnu Chanda (25 snem) ha Dhankheti, Shillong hadooh wa khlaad u.