Khut ka NESO wow man kiwa tylli hadien wa e bor ka sorkar wow kem naphang hapoh ki 5 tylli ki jylla

Jowai: Ka seiñ North East Students’ Organisation (NESO), kawa emlang ka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) wa ka All Arunachal Pradesh Students’ Union (AAPSU) da pynsñiaw ki yei pyrchah joor ya ka sorkar India kawa lyngba ka Ministry of Home Affairs da e bor ki ya ka Assam Rifles wow kem naphang ya kiwon kiwon khlem emkaam ya ka Warrant hapoh ka jylla Assam, Nagaland, Mizoram, Arunachal Pradesh wa Manipur.

Ya ini i kem kamjooh wow khynra ya ki thaw sah ye wow leh nadooh uwa khian kyrdan dooh ka Assam Rifles.

Heiyatoh wa ini ka NESO da beiñ joor ko yeini i leh ka sorkar India iwa man i thombor ya ki paidbah da ka sorkar iwa pynyoo leh ya i rukom pyrkhat ka sorkar BJP kawa em ha pyrdi ya ki paaid ka thaaiñ mihsngi.

Ka NESO da pyrkhat ko wa ini i leh ka sorkar pyrdi toh neidaw wa ym ye ko u pynman aiñ ya ka CAB ha ka dorbar ka Rajya Sabha nei yakhih ki paidbah kamtæ da e bor ya ka Assam Rifles yow pynkhreh ya kawon kawon ka yakhih paidbah ha ki sngi wow wan lada ka BJP wanrah biang ko ya ka CAB hadien ka Lok Sabha Election.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka NESO da ong ko leh wa ka sorkar India ym hun ko lada ym yoh ko u pynchitom ya ki tre ri ka thaaiñ mihsngi nadooh wa pynkrehkaam ya ka AFSPA da ki phaw snem hadooh kani ka hukum wa pynmih katni da ka Ministry of Home Affairs.

Chooh chooh ka NESO da ong ko wa kani ka hukum toh kawa khlem daw kawa leh thombor ya ki tre ri ka thaaiñ mihsngi wei da khut ko ya waroh wow man ki kiwa tylli wow yeiñlang manda toh i por.