Jowai: Ki pulit da pyntip ki wa da yoh ujor ki na kawi ka manbei wa ha ka 12 tarik uni u bnai ki ar ngut ki khon kynthai yong ka heipor 2:30 i sngi da lai thooh jhoor khloo ki na iwi i khloo wa tip kam Thlusniang wa em ha chnong Pasyih.
Ha ini i por da mih syndet u Sahidur Islam u kurim ka diah ko uwa da slaitbor ya ka khon ko kawa dang 15 snem. Ha ini i jia ka khon waheh ko kawa emlang da kyrpaad ko ya u Sahidur Islam wow dam u leh ya ini i kaam tangwa ym ap u wei da yut u na ini i thaw.
Ya u Sahidur Islam da wanrah ya oo ynne cha Jowai hadien wa kem ya oo na chnong u iwa tip kam Panbari Tritiated Khanda wa em hapoh ka Gosaigon PS, Kohkrajhar District, Assam da ki pulit ka Assam waka District Executive Force ka WJH.
Da rah ya u Sahidur Islam hakhmat ka yung bichaar wei da pyngat ki pulit ya oo hapoh ki kyndon 3(a)/4 ka aiñ POCSO.
Discussion about this post