Jowai: Kiwa ngam um ka Indian Navy nadooh ynnin ka sngi hadooh ynne ka sngi da yaleh ki wow sai ya ki dieñ ki praw wa kiwi kiwa pynwit ya ka kor ROV wow psiah ko chapoh ki paar mooyong wa em kiwa chah kset ha Ksan, EJH.
I pyrchang kiwa ngam um ka Indian Navy man ko kawa chitom ya ki neidaw khynnia i thaw neidaw wa ki kum Oxygen wa hap kit ki tangwa duna i jngut ka um da yarap ya ki wow chynna ki.
Heiyatoh wa i taan um ka CIL da pynemkaam ko ya ki Pump da 36 kynta nadooh ynnin i janmiet hadooh 5 waje i janmiet ynne ka sngi wei da sai ki 4860000 liter ka um.
Ka Kirloskar da taan um ko 16 kynta da ka wi ka Pump wei da sai um 2880000 liter neidaw ka wi ka Pump da pyndam ya ka neidaw wa sih ka Generator wei dang chna ya ka.
Ka KSB won da taan um ko 32 kynta nadooh ynnin ka sngi hadooh 5 waje i janmiet ynne ka sngi wei da sai um 6336000 liter.
Discussion about this post