Jowai: U SP ka WJH u Lakador Syiem da pyntip u wa heiyatoh wa ka sngi niaw Vote ya ka Election MDC cha ka JHADC 2019 ka wow pynman ha ka 02-03-2019 da pynbna ya ki kyndon yow man kani ka sngi kawa lai bait wei kini ki kyndon man ki kamni ha wah:
- Daw em ki le jait ki rukom sonteri ya ka yung krehkaam u Deputy Commissioner (Election), Jowai. Heiwa ki le tylli ki Gate kani ka yung krehkaam kitæ wa em hajan ka Gate I kawa em hajan ka HDFC ATM (Near HDFC ATM), Gate II kawa em ha DC Point waka Gate III wow psiah cha ka yung krehkaam u District Session Judge kamjooh ka wow psiah cha yung krehkaam u DC u man ki kiwa khang kiwa ym hoi u psiah u mih.
- Du ki kyrtong, ki Counting Agent wa ar ngut ki bru kiwa da yoh bor (Valid Pass) naka yung krehkaam u Deputy Commissioner (Election) ki wow yoh u psiah cha ki kamra niaw Vote.
- Ym chah ya ki kari wa wan na Wah Nangbah cha yung krehkaam u DC kamjooh ya ki kari wa wan H.K. Singh School wow lai cha yung krehkaam u DC. Ym chah leh ya ki kari kamjooh ya ki paidbah wa lai kjat nadooh na laad yung krehkaam u SP wow lai ki cha yung krehkaam u DC kamjooh na ka sarok wa lai nadien ka yung krehkaam u DC wow lai ki cha Iawmusiang, wei ya ini u krehkaam ko nadooh 6 waje i step hadooh wa kut ka niaw Vote.
- Soo dong ka yung krehkaam u DC daw ker kut ha kini ki thaw ha ka sarok wow poi cha HDFC ATM, ka sarok wow lai cha Mission Compound (Poh Skur), ha khmat ka yung krehkaam ka JHADC, ka laad wow lai cha yung krehkaam u SP kamjooh ya ka sarok wa lai nadien ka yung krehkaam u DC.
Discussion about this post