Shillong: U President ka NPP u Conrad K Sangma da ong u wa ka NPP da rai ko wow pynyakhun MP ha waroh 25 tylli ki thaw ha ka thaaiñ mihsngi ka India kamwa da rai ka yalang bah kawa da man ha u bnai wa da dep.
Hawa klam ynne ka sngi, u Conrad da ong u wa ka NPP ka kwah ko wow yakhun ha waroh ki Constituency ha kani ka thaaiñ mihsngi ha ka MP Election wow wan tangwa chong ko leh hei yoh ya kiwa kwah wow yakhun.
Ha iwi i liang, da ong wa ym em i thmu wow pyndam ya ka BJP na ka sorkar MDA kamwa da pynsñiaw da ka UDP. Da kam u wa i dawa wow sai noh ya ka BJP na ka sorkar toh i sñiaw yong u bru samen ym toh naka Party.
Da ong u wa ki MLA ka BJP leh pyrchah joor ki ya ka CAB wei ki leh da thoh ki cha u President ka Party wow pyrchah joor ya ini wei kani man ko ka lynnong ka wym yaklam de kattu.
Discussion about this post