Shillong: U MP ka Congress na Shillong, u Vincent H Pala da kam u wa i thmu wow chna ya ka seiñ saiñ pyrthai ki seiñ hima sima ka thaaiñ mihsngi ympoi ko cheiwon iwon leh lait nei yapiah yapra.
Yeini, u Vincent da ong u hadien wa u Working President ka UDP, u Paul Lyngdoh da ong u wa emkaam wow em ka seiñ ki tre ri na kani ka thaaiñ wow pyrchah ya ka Congress wa ka BJP.
Ha iwi won i liang u Vincent da kyntait u wow psiah u cha ka NPP kamwa da hær ka la-ær ha kini ki sngi deiwa ong wa yatoh lok u wa waroh kiwa na ka NPP nadooh u Conrad, u Sniawbhalang, u Prestone, u Comingone wa kiwi kiwi.
Da ong u leh wa em kiwa kwah wow psiah cha ka NPP tangwa kam u bru uwa da chakri ha ka seiñ ym em iwon iwon i thmu wow ieh ya ka.
Chooh chooh da ong u wa em kiwa kwah wow psiah u cha ka NPP tangwa ha Parliament won emkaam u em MP neibhah khlem i boon paaid ym em yumut i.
Hajrong i e ticket MP na Shillong, u Vincent da ong u wa chong i ha ka MPCC wow tyrwa pyrtuid cha ka AICC wow chim ya ka rai wa khaddooh.
Pynkut u deiwa ong won wa man i iwa eh wow klam yei jop i rem neibhah chong i ha ka rai ki paidbah.
Discussion about this post