Shillong: Ka High Power Committee (HPC) kawa khlieh da u chongknor ka yung dorbar, da rai ko wow pyndep ya i chna ya ka yung dorbar hapoh le snem ha Mawdiangdiang.
Ka yung dorbar chna aiñ ka Meghalaya da iñ ko ha ka 9 Duyatra 2001 wei la 18 snem kattu ympu ye u chna biang ya ka hadooh ynne ka sngi.
Hawa pyntikna yeini, u Montri Rangbah ka jylla u Conrad K Sangma da ong u wa dadep rai ya i por wow pyndep ya kani ka yung ha Mawdiangdiang, Shillong. Da ekti wow chna ya ka da ka Uttar Pradesh Rajkiya Nirman Nigam Limited, kawa man ka Company sorkar, wei yeini daw pyndep hapoh le snem.
Yeini i chna ya kani ka yung dorbar da sahteiñ i da ki phaw snem wei yei chna ya ka ye u lut hadooh T.127 klur.
Ha kani ka yalang ka HPC da wan chim bynta da ki dkhot wa kynthup da u Montri Rangbah u Conrad K Sangma, u Lamphang ka yung dorbar, u Dr. Donkupar Roy, uwa yahkhmat ka liang pyrchah, u Dr. Mukul Sangma wa kiwi kiwi.
Discussion about this post