Sdang ka sorkar pyrdi ya ka Scheme yow lait chah ksih dor ki mar wa pynmih ki bru ri-loom ka ri

Jowai: U Jual Oram, Union Minister of Tribal Affairs da sdang u ya ka Scheme hapoh ka Van Dhan, kawa tip kam ka Minimum Support Price (MSP) ya ki mar khloo namo ki Minor Forest Produce Scheme (MFP) ha ka National Workshop wa pynman da ka TRIFED hapoh Ministry of Tribal Affairs ynne ka sngi ha Delhi.

Kiwa chimbynta da wan ki na ki 30 tylli ki jylla.

U Jual Oram hei klam yong oo da ong u wa em kamwa 5.5 klur ki bru ri-loom wa sah hapoh ki khloo wa rben ka ri wei daw yoh myntoi na kani ka Scheme Minimum Support Price neidaw wa ym chah ksih dor de ki wei hapoh kani ka Scheme da booh ya i dor yaaw iwa ym ye de u dai duna kamjooh daw yoh yarap ya ka Value Addition heiwa kammon wow pynchna ya ki mar cha kiwi ki jait yow ye u dai syad.

Ha kani ka Scheme daw booh ya i Minimum Support Price ya ki 50 tylli ki mar kiwa lai yaw bha ya ki bru ri-loom. Da pyntip u leh wa da booh ya i rukom thied ya ki mar ki bru ri-loom ha ki yaaw ki haat wei 307 ngut ki DC da pynkit ha ki kamjooh ki yung krehkaam sorkar wow pynbiang ki ya ki dor Minimum Support Price namo i dor wa ym ye de u dai duna. Daw booh leh ya 6000 tylli ki Van Dan Vikas Kendras neibynta ki 300 ngut ki jaitbru ri-loom wei daw yoh kreh ki kamwa 45 Lak ngut.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u leh wa ka “Van Dhan Scheme”, toh ka wow yarap ya ki wow yeiñ ki ha ki kjat yong ki hi wei kani ka Scheme u pynku ko ya iwa yoh nong ki naka 20-30% hadooh 70-80%.

Chooh chooh da ong u wa lyngba ka “Friends of Tribes” ki Company ka sorkar kam ka BPCL, IOCL wa SPMCL da mynjur ki wow e T. 10 Klur yow pynku ya ki bru ri-loom wa em ha Barwani, Rajnandgaon, Dewas wa Hoshangabad Districts ka Chhattisgarh wa Madhya Pradesh.