Jowai: Ka rai ki paidbah ha kani ka Election MDC cha ka JHADC da rem 19 ngut ki MDC warim wei kiwa jop na kiwa rim da em ki 10 ngut. Na kini ki 10 ngut kiwa rim 3 ngut toh naka Congress uwi u kyrtong samen iwa mut sah sa 2 ngut kiwa naka UDP wa 4 ngut naka NPP.
Ki kyrtong warim kiwa katni naka NPP kiwa jop toh u:
- U Het Pohthmi naka 2-War West
- U Thombor Shiwat naka 8- Nartiang Umladang
- U Rudaioo Tang naka 11- Shilliangmyntang
- U Phasmon Dkhar naka 22-Musniang Ryngad
Ki kyrtong warim kiwa naka UDP kiwa jop biang toh u:
- U Winning Garland Sungoh na 14-Mowkaiaw
- U Lasky Rymbai na 21-Tuber
Ka NPP kamwa man kattæ em ko 12 ngut ki MDC, u Thombor Shiwat toh uwa da dep jop palat arsien wei da jooh man u leh kam u CEM warim ka JHADC. Ha kam kini ki por waka Council em ko ha kiwa boon i chitom kam wow su tulop ya kiwa kreh wei boon leh kiwi ki MDC toh kiwa thymme u Thombor ye u em hakhmat wow man biang kam e CEM.
Neiliang ka UDP kawa em 10 ngut ki MDC ar ngut toh kiwa rim kiwa da kdaw haneiñ wei em leh ka khubor cha wah cha neiñ wa ye u tyrwa CEM cha ka UDP wei lada kamtæ da uyi u jied ki?
Discussion about this post