Jowai: Katkam wa pyntip ki pulit, haka 2 tarik uni u bnai heipor 6 waje i miet u Lakhon Garod da dung u da ka tari ya u Pherki Ksoo ha Wahiongdhar, Nangbah (WJH) neidaw wa uwa chah dung ym em thap Vote u ya u Shemhok Garod, u kyrtong MDC cha ka JHADC Election 2019.
Haka 27-02-19 u Lambok Bareh da ujor u wa u Womly Chyrmang, u waheh chnong ka Jalaphet Bri Sutnga, EJH da khang u ya kiwa chong chnong wow thap Vote ki kiwa kyrchaan pyrchah ya u kyrtong wa kyrchaan u.
Haka 26-02-19 u Dapmain Shylla wa kiwi da ujor ki wa heipor 11 waje i miet ki le ngut ki bru u Stanly Shylla, Rising Shylla wa u Arhilus Shylla da kbai wei da pynheh sur ki wei da pynkhor ki leh ya kiwa chong chnong.
Haka 21-02-19 u Welly Muksor wa u Briwon Pohshna da ujor ki wa u Klinsman Lamare waka Mera Pyngrope da pynpoor ki ya ka khubor thok ha ki Social Media wa pynbaad wa ki da tyrwa ki T. 3000 cha ka Mira Pyngrope yow thap Vote ki cha u Charles Willson Muksor, u kyrtong samen cha ka Election MDC 2019 cha ka JHADC.
Discussion about this post