Da wai ya ka sarok wa chna da ka Plastic ha EJH

by Wyrta Staff

March 6, 2019

Reading Time: 3 mins read

Jowai: I chna sarok deiwa pynemkaam ya ki Plastic wa tip kam ka Plastic Cell Technology da wai ya ka ha East Jaiñtia Hills District da u F. M. Dopth, IAS, Deputy Commissioner Cum Ex-Officio & District Project Coordinator, District Project Management Unit, Khliehriat.

Ya kani ka sarok wa chna deiwa pynemkaam da ki Plastic da wai ya ka ha ka 5 tarik uni u bnai ha chnong Lamyrsiang village, Saipung C&RD Block, EJHD hei emlang u B J. Kharshandi, MCS, Additional Deputy Commissioner kamjooh u Nodal Officer, DBDU, EJHD, Khliehriat.

I jrong kani ka sorok wa chna da ki Plastic namo ka Plastic Cell Technology toh 600 Meter kawa pynyabi waka sarok PWD cha Pynthor yow poi leh cha ka yaaw.

Ya kani ka sarok da pynkrehkaam da ka Saipung C&RD Block waka VEC Lamyrsiang wei da dep pynchna ha ka 2 tarik uni u bnai wa dep hei dor T. 19.8 Lak deiwa e kreh ya kiwa chong chnong hapoh ka MGNREGA.