Ka result ka semi-final wa ar ka U-14

Jowai : Ka semi-final wa ar wa khaddooh yong ka U-14 Football Tournament wa da pynman da ka WJDSA da poi ko cha wakut ynne ka sngi heiwa ka Chutwakhu SC da yachem ko ya ka Ladthadlaboh SC.

Kani ka yalehke ynne ka sngi man ko kawa yoosuk bha heiwa waroh ki artylli ki dhab da yaleh ki katwa ye yow yoh ki u psiah cha ka final kawa da yang ka Dulong kam ka dhab wa da yoh u psiah cha ka final.

Ka yalehke man ko kawa ya thaiñ bha heiwa hadooh wa kut ka ar kylliang ym em wa ye u thap kool.

Kamtæ da sdang sa ka Extra Time heiwa ka Chutwakhu da sih bhah ko hawa da thap pynda u yong ka hi uwa yaleh u Ebenezer Pohshna ha ka minit wa 62 ya ka kool. Tangwa ha ka minit wa 69 ka Chutwakhu da ye ko u pynim biang ya ka lad yong ka u psiah final deiwa thap u Otenial Felic Lytan ya ka goal wa pynya drawn 1-1.

Related posts

Khut ka EJDCA wow chimbynta ha ka District League

February 7, 2026

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Ya kani ka yakhun da rai ya ka da ka yachut penalty heiwa ka Chutwakhu da jop da 5-3 iwa mut waroh ki goal da man ki 6-4.

Kamtæ ya ka final daw yachem ka  Chutwakhu SC pyrchah ya ka Dulong SC.