Shillong: U District Magistrate and District Election Officer, East Khasi Hills District da pynkrehkaam u da ka kyndon 144 CrPC wow khang ya u bru namo ki bru wow rah poisa ki palat T. 50,000 ha waroh kawi ka East Khasi Hills District wei kani ka hukum da krehkaam ko hadooh wa da dep ka Election MP 2019.
Ya kani ka hukum da pynmih hadien wa yoh yutip wa em ki bru kiwa ye wow rah chiboon ka poisa wow thied namo wow pynbiej paidbah wow jied ya u kyrtong wei wow pyntikna wa ka Election u man ko kawa khooid wei wow lait na i awri awra.
Hadien wa da pynbna wa ka Election MP hapoh ka jylla u man ko ha ka 11 Naitung 2019 ka Model Code of Conduct leh da krehkaam ko nadooh wa pynbna ya ka Election da ka Election Commission.
Neiliang ka Election Commission leh da hukum ko wow sylli wow pait lada em i chah pynbiej ki paidbah da ka poisa kam chibynta yong kani ka Election wei wa ki paidbah u yoh ki u jied MP deiwa laitlooid.
Discussion about this post